அரும்பாடுபட்டு சம்பாதித்த பொருட்கள் யாவும் தக்கவர்களுக்கு கொடுத்து உதவுவதற்கே என்பது திருவள்ளுவரின் அருள்வாக்கு. முயற்சி செய்து சம்பாதித்த பொருட்களை, பணம் என்ற குறுகிய வட்டத்திற்குள் வள்ளுவர் இந்த குறளில் அடக்கவில்லை. பொருட்கள் என்ற தலைப்பில் அரும்பாடுபட்டுப் பயின்ற கலைகளும் அடங்கும். அத்தகைய கலைகளைத் தக்கார்க்கு கற்றுத் தரும் நோக்கத்தோடும், “ஜோதிடம் அறிந்த மானுடம் செய்வோம்” என்கிற லட்சியத்தோடும், தான் அரும்பாடுபட்டுக் கற்றறிந்த ஜோதிடக் கலையை எல்லோரும் கற்று பயன்பெற வேண்டும் என்ற உயரிய எண்ணத்தோடும் துவங்கப்பட்டதே ஸ்ரீஹரி ஜோதிட வித்யாலயம். இந்த நிறுவனத்தை தமிழ்நாட்டின் தென்பகுதியில், தேனி மாவட்டத்தில் புண்ணிய நதிகளில் ஒன்றான வைகையின் பிறப்பிடத்தில் அமைந்துள்ள கண்டமனூர் என்கின்ற சிறிய கிராமத்தில் வசித்து வருபவரும், சுமார் 350 ஆண்டுகாலம் பழமை வாய்ந்த ஸ்ரீதேவி பூதேவி ஸமேத ஸ்ரீரங்கநாதப் பெருமாள் திருக்கோவிலின் அர்ச்சகருமான திரு.மீனம். K.S.மணி பட்டாச்சாரியார் அவர்களால் 24.10.2007 ஆம் நாள் துவங்கப்பட்டது.
2008 ம் வருடம் பிப்ரவரி மாதம் முதல்
பயிற்சி வகுப்புகள் துவங்கப்பட்டு சீரான இடைவெளியில் புதிய கிளைகளை துவங்கியது. தற்போது தமிழகம்
மற்றும் புதுவையில் 100 மையங்களில் பயிற்சி வகுப்புகளை நடத்தி வருகிறது. எங்களது நிறுவனத்தில்
பயிற்சி நிறைவு செய்த பல்லாயிரக்கணக்கான மாணவர்கள் அவரவர் பகுதியில் ஜாதக பலாபலன்களை எடுத்துக்
கூறியும், மிகச் சரியான முகூர்த்த நேரங்களை தேர்ந்தெடுத்துக் கொடுத்தும் சேவையாற்றி
வருகிறார்கள்.
மாணவர்களை தகுநிலைப்படுத்த 5 பாகம் பாடபுத்தகங்கள், மூன்று கையேட்டுப்புத்தகம் மற்றும் ஜாதக
கணித பல்லவம் புத்தகங்களைக் கொண்டும்,
ஜோதிடக் கருத்தரங்கங்கள், பேரவைக்கூட்டங்கள், இலவச ஜோதிட முகாம்களை நடத்தியும், சிறப்புத்
தகுநிலையை அடையச் செய்கிறோம். மேலும் மாணவர்கள் ஆய்வு செய்வதற்கும், பலன்கள்
வெளிப்படுத்துவற்கும், உதவும் வகையில் கணினி மென்பொருள் மற்றும் நான்கு விதமான மொபைல்
செயலிகளையும், வெளியிட்டு சேவையாற்றி வருகிறோம்.
1.
ஜோதிட சாஸ்திரத்தில் சொல்லப்பட்டுள்ள நன்மை பயக்கும் கருத்துக்களை மக்களுக்கு உபதேசித்து அக்கலை
மறைந்து விடாமல் இருக்க, வேண்டிய முயற்சிகளை செய்து வருகிறது.
2. மாணவர்களுக்கு உடல்நலம் மனவளம், வாழ்க்கை வளம் ஆகியவற்றை ஏற்படுத்தித் தருகிறது.
3. பேரவைக்கூட்டங்கள் வாயிலாக மாணவர்களின் தனித்திறனை வளர்ப்பதற்கு முயற்சி மேற்கொண்டு
வருகிறது.
4. இலவச ஜோதிட முகாம்களை நடத்தி பொதுமக்களிடையே ஜோதிட விழிப்புணர்வை ஏற்படுத்துவதோடு
மட்டுமல்லாமல், அக்கலை மறைந்து விடாமல் இருப்பதற்கு பெருமுயற்சி செய்து வருகிறது.
5. வேள்விபூஜைகளை நடத்தி மாணவர்கள் மற்றும் பொதுமக்களிடையே ஆன்மீக விழிப்புணர்வை ஏற்படுத்தி
வருவதோடு, உலக நன்மைக்காக பிரார்த்தனைகளையும் செய்து வருகிறது.
6. ஜோதிடக் கருத்தரங்கங்கள் வாயிலாக பொதுமக்களிடையே சாஸ்திரம் தொடர்பான விழிப்புணர்வை
ஏற்படுத்தி வருகிறது.
7. ஆழ்வார்களால் மங்களாசாசனம் செய்யப்பட்ட 108 திவ்யதேசங்களுக்கு பொதுமக்கள் யாத்திரை மேற்கொள்ள
வேண்டிய உதவிகளை செய்து வருகிறது.
